អូន ឧស្សាហ៍ បង្ហាញវត្តមានក្នុងរឿងអប់រំមួយដោយមិនយកថ្លៃ(វីដេអូ)

រឿងខ្លីដែលមានចំណងជើងថា «ថ្ងៃសិទ្ធនារី» ដែលទើប​ចេញផ្សាយដោយ App Soyo កាលពីយប់មិញ ជារឿងសម្រាប់អបអរទិវាសិទ្ធនារីអន្តរជាតិ ៨ មីនា ថ្ងៃនេះ។

ក្នុងវីដេអូរឿងខ្លីនេះក៏មាន វត្តមានតារាសម្តែង អូន ឧស្សាហ៍ ចូលរួមសម្តែង ពិសេសសាម៉ីខ្លួនប្រាប់ថា ថតរឿងខ្លីនេះ មិនយក​កម្រែ​មួយកាក់មួយសេនឡើយ គឺចូលរួមសម្តែងដោយពេញចិត្តនឹងសាច់រឿង ពិសេសចង់ជួយដល់ផលិតករវ័យក្មេងតាមដែលអាចធ្វើទៅបាន។

poster រឿង «ថ្ងៃសិទ្ធនារី»

«ថ្ងៃសិទ្ធនារី» ដែលនិយាយពី ស្ត្រីបីនាក់ ជុំគ្នាក្នុងហាងកាហ្វេមួយ ពួកគេបាននិយាយគ្នាអំពីគ្រួសាររបស់ខ្លួន។ ទេវី ដែលប្តីមានមុខតំណែងជាប្រធានក្រុមហ៊ុន គ្មានពេលសម្រាប់នាងទេ រីឯ សុភា ដែលជាស្រ្តី មមាញឹកនឹងការងារ ក៏គ្មានពេលសម្រាប់ប្តី និងគ្រួសារឪពុកម្តាយដែរ។ មានតែ ចិន្តា ដែលខ្លួនកំពុងមានផ្ទៃពោះ ទទួលបានការយកចិត្តទុកដាក់ពីប្តីដ៏ស្រស់សង្ហារបស់ខ្លួន ដែលធ្វើឱ្យ ទេវី និង សុភា នឹកគិតពីសុភមង្គលគ្រួសារខ្លួនឯងវិញ។ ទាំងនេះ ជាឧទាហរណ៍ សម្រាប់ក្រុមគ្រួសារខ្មែរជាច្រើន​ថា​ គួរ​ជ្រើសរើសបង្ហាញក្តីស្រលាញ់សម្រាប់ក្រុមគ្រួសាររបស់ខ្លួនដោយរបៀបណា។

រឿង «ថ្ងៃសិទ្ធនារី» ក៏ជាភាពយន្តខ្លីថ្មីមួយទៀត បន្ទាប់ពីភាពយន្តខ្លី ទាំង ១១ ផលិតដោយ Soyo ដឹកនាំដោយផលិតករវ័យក្មេងទាំង ១១ ក្រុម ដែលសុទ្ធសឹងជាយុវជន យុវនារី ស្រលាញ់ការផលិតភាពយន្ត បើទោះភាពយន្តខ្លី ទាំងអស់ មានខ្លះល្អជាង និងមានខ្លះខ្វះខាតដោយចន្លោះ ក៏ Soyo នៅតែផ្តល់ឱកាស និងឧបត្ថម្ភគាំទ្រដល់ការផលិត នេះបើតាមក្រុមការងាររបស់ Soyo បញ្ជាក់៕
ចង់ដឹងភាពយន្តខ្លីនេះមានអត្ថន័យ និងសារអប់រំបែបណា ប្រិយមិត្តអាចទស្សនាបន្ថែមនៅទីនេះ៖
ទស្សនា​រឿង​ផ្សេង​ទៀត​ជា​មួយ Soyo ដោយ​ចូល​ទៅ​កាន់៖

• សម្រាប់​ប្រព័ន្ធ​ប្រតិបត្តិការ Android៖ https://goo.gl/fgJbtB
  
• សម្រាប់​ប្រព័ន្ធ​ប្រតិបត្តិការ IOS៖ https://goo.gl/Fzx11s
  

អត្ថបទ៖ Sunny
ប្រភពដើមទាំងស្រុងពី គេហទំព័រសប្បាយ